Kisi ke Itne paas na jaa

Ki dur jana khauf ban jaye

Ekdam peeche dekhne par

Seedha rasta bhi khayi nazar aaye

Kisi ko itna apna na bana

Ki usse khone ka darr laga rahe

Kisi darr ke beech ek din aisa na aaye

Tu pal pal khud ko hi khone lage

Kisi ko itna pyar na kar

Ki baithe baithe aankh nam ho jaye

Usse agar mile ek dard

Idhar zindagi ke do pal kam ho jaye

Kisi ke baare mein itna na soch

Ki soch ka matlab hi wo ban jaye

Bheed ke beech bhi lage

Tanhayi se jakde gaye

Kisi ko itna yaad na kar

Ki jahan dekho wo hi nazar aaye

Raah dekh dekh kar kahi aisa na ho

Zindgai peeche chhoot jaye.